Сите големи и мали суштества

Крајот на Втората светска војна е на повидок. Ветеринарната ординација Скелдејл се соочува со финансиски потешкотии, додека истовремено продолжува да се грижи за разни животни, од кучиња-спасувачи до крави, кози и коњи. Зигфрид се обидува да ги среди своите љубовните односи коишто не наидуваат на одобрување кај локалните жители. Истовремено го поддржува Џејмс да ја модернизира работата со апарат за рендген. Тристан се враќа од војната и се справува со траума и вина на преживеан. Тој и Шарлот се вљубуваат. Џени се запишува на медицинско училиште во Лондон. Хелен ѝ го дава својот благослов, но тоа го прави неволно. Шестата сезона завршува со капитулацијата на Јапонија, односно крајот на Втората светска војна, со прослава на Божик и со враќањето на Дороти. Дали таа и Зигфрид ќе ја обноват својата романса?

Семејството Форсајт

Ги следиме животите, љубовите, борбите и успесите на едно богато семејство брокери во доцната викторијанска ера, растргнато меѓу традицијата, саможртвувањето, личната среќа и потрагата по љубов. Семејната стабилност се нарушува кога братучедите, но и ривали, Џолион и Соумс, доживуваат две случајни средби коишто целосно им го менуваат животот. Во животот на женетиот Џолион повторно се појавува неговата поранешна љубовница Луиза, слугинка којашто станала шивачка, а ќерка му Џун се вљубува во сиромашен архитект. Соумс, пак, е маѓепсан од убавата и слободоумна танчерка Ајрин.

Луд по книги

Семејството Хардејкер

Ова е приказна за подем од сиромаштија до богатство и ги следи животите, љубовите и судбините на работничкото семејство Хардејкер во Јоркшир во 1890-ите. По незгода која ги остава без работа и пари, тие доаѓаат до радикална бизнис-идеја и наскоро стануваат побогати од што некогаш сонувале дека ќе станат. Кога се селат од валканиот рибарски док на огромен селски имот и влегуваат во светот на високата класа, се соочуваат со снобизам од страна на аристократијата и на слугите. Семејството согледува дека вистинската класа не е нешто што се наследува со раѓање, туку нешто што го носиш во себе...

Џејн Ер

Г-ѓа Рид, тетка ѝ на Џејн Ер, сираче, ја испраќа во интернатот Ловуд бидејќи е рамнодушна кон неа и не сака веќе да ја чува во својот дом, во којшто Џејн била малтретирана од братучедите и од тетка ѝ. Џејн останува во Ловуд до својата деветнаесетта година, а потоа добива работа во Торнфилд хол како гувернантка на Адел, девојче со француско потекло за коешто се грижи господарот Едвард Рочестер. Џејн дознава од домаќинката дека тој ретко е дома, но конечно успева да го запознае кога тој се враќа во Торнфилд. За првпат, Џејн чувствува дека припаѓа некаде и брзо го засакува Торнфилд, но тоа чувство е разнишано кога една ноќ се буди од чудни звуци во куќата. Следејќи ги звуците, таа открива дека во собата на Рочестер избувнал пожар.

Мунстоун

Оваа костимирана драма е базирана на класичниот роман на Вилки Колинс, којшто, според многумина, се смета за првиот англиски детективски роман. Дејството е сместено во викторијанска Англија. Ја следиме Рејчел Вериндер којашто на својот 18. роденден наследува бесценет индиски дијамант, којшто исчезнува уште истата ноќ. Една година подоцна, нејзиниот братучед Френклин Блејк се враќа за да ја открие вистината и да ја докаже својата невиност. Додека гледаме како мистеријата се расплетува од повеќе аспекти, дознаваме и за многу тајни и скандали.

Жени во војна

Франција, септември 1944 г. Војната беснее веќе неколку недели. Во мало село во источна Франција, на неколку километри од германската граница, неколку жени се затекнати среде ужас: Маргерит, париска проститутка, подеднакво мистериозна и впечатлива, за којашто се сомневаат дека е шпионка, Каролин, сопруга на Виктор Девит, сопственик на фабрика за автомобили, заминат на фронтот, којашто сега го води семејниот бизнис, голем и несомнен предизвик, Агнес, опатица на манастир пренаменет во воена болница, потресена од бројот на примени ранети лица, којашто сè повеќе се преиспитува за своите избори во животот и Сузан, млада медицинска сестра и феминистка во бегство по неуспешно изведен абортус.

Клубот за убиства во Марлоу

Животот во идиличниот град Марлоу е речиси вратен во нормала по потресното тројно убиство во првата сезона. Не поминува долго пред пензионираниот археолог Џудит Потс, сопругата на свештеникот Бекс Старлинг и шетачката на кучиња Сузи Харис повторно да бидат повикани да решаваат нови злосторства коишто ги вознемируваат локалните жители. Нема одмор за нашето аматерско трио детективки додека се обидува да реши наизглед невозможно убиство во заклучена просторија, да истражи неочекувано брутална несреќа во едриличарскиот клуб и да ѝ помогне на главната инспекторка Таника Малик во истрагата.

Мистериите на Мердок

На почетокот на 18. сезона, детектив Мердок води живот сличен на ергенскиот, бидејќи докторката Огден прифатила позиција во нова болница во Лондон и ја зела со себе и нивната ќерка Сузана. Поради таа промена, тој а изнајмил семејната куќа и се преселил во пансион во  којшто се зборува дека претходниот станар бил убиен. И покрај долгоочекуваното унапредување во инспектор по назначувањето на Брекенрид за главен полициски началник, тој сфаќа дека решавањето на злосторства е она во што е најдобар и ја отстапува новата позиција. Во станицата пристигнува Алберт Чои, високо ценет корејски полицаец којшто го глуми Пол Сан-Хјунг Ли, обожавана ѕвезда на хит серијата „Продавницата на семејството Ким".